ՄԻԱՎ/ԶԻԱՀ. թվեր և փաստեր

• ԶԻԱՀ-ն առաջին անգամ ախտորոշվել է 1981 թվականին ԱՄՆ-ում և արդեն աշխարհում 60 միլիոն մարդ վարակվել է ՄԻԱՎ-ով: Ըստ ՄԱԿ-ի տվյալների, այսօր ամեն օր ՄԻԱՎ-ով վարակվում է 15-24 տարեկան մոտ 2400 երիտասարդ:
• ԶԻԱՀ-ի դեմ պայքարի միջազգային օրն առաջին անգամ կազմակերպել է ԱՀԿ-ն 1988 թ. դեկտեմբերի 1-ին:
• Ամեն տարվա մայիսի երրորդ կիրակին ԶԻԱՀ-ից մահացած մարդկանց հիշատակի և մոմավառության օրն է:
• 1995-ին Արևելյան Եվրոպայում ՄԻԱՎ վարակի բռնկում արձանագրվեց թմրամիջոցների ներարկային օգտագործողների շրջանում:
• 1996-ին ստեղծվեց ՄԱԿ-ի ՄԻԱՎ/ԶԻԱՀ-ի միացյալ ծրագիրը:
• 1999-ին «Արմենիկումը» գրանցվեց որպես ՄԻԱՎ վարակի բուժման դեղ:
• 2002-ին ՀՀ կառավարության որոշմամբ հաստատվեց «ՄԻԱՎ/ԶԻԱՀ-ի կանխարգելման ազգային ծրագիրը»:
• 2005-ից «ՄԻԱՎ/ԶԻԱՀ-ի կանխարգելման ազգային ծրագրի»շրջանակներում ՄԻԱՎ վարակով հիվանդ ՀՀ քաղաքացիներին սկսեց տրամադրվել անվճար հակառետրովիրուսային բուժում:
• 2008-ին ֆիզիոլոգիայի և բժշկության բնագավառում Նոբելյան մրցանակը շնորհվեց ֆրանսիացի կենսաբաններ Լյուկ Մոնտանյեին և Ֆրանսուազա Բարի-Սինուիին` մարդու իմունային անբավարարության վիրուսը հայտնաբերելու համար: 
• 2011 թվականի վերջերին աշխարհում հաշվարկվել է ՄԻԱՎ-ով վարակված 34 միլիոն մարդ:
• 2012 թվականին այդ թիվն ավելացել է 2,3 միլիոնով:
• Ընթացիկ տարում այդ հիվանդության զոհեր են դարձել 1 մլն 700 հազար մարդ, այդ թվում 230 հազար երեխա:
• 1988 թվականից մինչ օրս Հայաստանում արձանագրվել է 1359 դեպք վարակված ՄԻԱՎ-ով, որից 206-ը` 2012-ին: ԶԻԱՀ-ով հիվանդ են 954 տղամարդ, 405` կին:

Հարցեր, պատասխաններ, մեկնաբանություններ